អត្ថប្រយោជន៍ ៥ យ៉ាង ​ដែលអ្នកប្រហែលមិន​ធ្លាប់​ដឹង​ពី​សណ្ដែក​បណ្ដុះ

ចន្ទ, ១៤ ធ្នូ ២០២០

សណ្ដែក​បណ្ដុះ​គឺ​ជា​បន្លែម្យ៉ាង​ងាយរក​ និង​ងាយ​ទទួលទាន​ ហើយ​វា​ជួយ​នូវ​ប្រព័ន្ធ​ភាព​ស៊ាំ​របស់​មនុស្សឲ្យ​ដំណើរការ​បាន​ល្អ។

តើគុណប្រយោជន៍ទាំងនោះគឺជាអ្វី?

១. ធ្វើ​ឱ្យ​ប្រសើរ​ឡើង​នូវ​ភាព​ស៊ាំ​ក្នុង​រាងកាយ

ពន្លក​របស់សណ្ដែកបណ្ដុះ ​សំបូរ​ទៅ​ដោយ​វីតាមីន ​C​ ដែល​ជា​សារធាតុចិញ្ចឹម​ជំរុញ​ឱ្យ​កោសិកា​ឈាម​ស​ការពារ​រាងកាយ​ប្រឆាំង​នឹ​ង​​ការ​បង្ក​រោគ។ វា​ជួយ​ប្រឆាំង​អុកស៊ីតកម្ម​នៃ​មីក្រូ​សារជាតិ ​ដ៏​មាន​ឥទ្ធិពល​ បន្សាប​រ៉ាឌីកាល់​ដែល​ជា​ធាតុ​បង្ក​ជំងឺ ​និង​ធានា​ថា​រាង​កា​យ ​នឹង​មាន​សុខភាព​ល្អ ។

២. ជំរុញ​ការ​រំលាយ​អាហារ

ណ្ដែក​ជា​គ្រាប់​ធញ្ញជាតិ​​នៃ​ថាមពល​អង់ស៊ីម​សំខាន់ៗ ​ដែល​រាងកាយ​មិន​អាច​ទទួល​បាន​ តាម​រយៈ​អាហារ ។ ការ​បញ្ចូល​អង់ស៊ីម​នេះ ​ផ្ដល់​​ឱ្យ​ការ​រំលាយ​អាហារ​របស់​អ្នក​មាន​សុខភាព​ល្អ។ វា​មាន​ជាតិ​ប្រូតេអ៊ីន​ខ្ពស់​ ដែល​ជា​សារធាតុ​ចិញ្ចឹម​មាន​សារសំខាន់​ សម្រាប់​ការ​បង្កើត​កោសិកា​ការ​ជួសជុល​សរីរាង្គ​ ការ​លូតលាស់​ឆ្អឹង ​និង​សាច់ដុំ។

៣. ជួយ​អ្នក​សម្រក​ទម្ងន់

​សណ្ដែក​បណ្ដុះជួយ​ដល់​រាងកាយ​នូវ​ការ​ផ្គត់ផ្គង់​វីតាមីន ​និង​សារធាតុ​រ៉ែ​ ​ថែមទាំង​មាន​កាឡូរី​ទាប​ជាង​អាហារ​ផ្សេង។ សណ្ដែក​បណ្ដុះ​មិន​ធ្វើ​ឱ្យ​ទម្ងន់​កើន​ឡើង ​ឬ​បង្កើន​ហានិភ័យ​នៃ​ការ​ធាត់​ឡើយ។

លើស​ពី​នេះ​ទៅ​ទៀត​ ជាតិ​សរសៃ​របស់វាជួយ​ធ្វើ​ឱ្យ​អ្នក​មាន​អារម្មណ៍​ឆ្អែត​បាន​យូរ។ វា​ក៏​រារាំង​ការ​បញ្ចេញ​អ័រម៉ូន​ឃ្លាន​ ដែល​ហៅ​ថា​ហ្គឺរ៉ាទីន ​ដែល​ទទួល​ខុសត្រូវ​ក្នុង​ការ​ប្រាប់​ខួរក្បាល​អ្នក​ថា​​ រាងកាយ​ចេះ​តែ​ឃ្លាន។

៤. អាច​ជួយ​ព្យាបាល​ភាព​ស្លកសាំង

ពន្លក​សណ្ដែក​មាន​ផ្ទុក​ជាតិ​រ៉ែ​ដាន​ ​ជាតិ​ដែក​ និង​ទង់ដែង​ ដែល​ចាំបាច់​សម្រាប់​គ្រប់គ្រង​សុខភាព​ឈាម​របស់​អ្នក។ សារធាតុ​រ៉ែ​ទាំង​នេះ​ ជួយ​រក្សា​ចំនួន​កោសិកា​ឈាម​ក្រហម​ ​និង​បង្កើន​ចរាចរ​ឈាម​​ដែល​ជាហេតុ​ធ្វើឲ្យ​កោសិកា​ បញ្ជូន​អុកស៊ីហ្សែន​ទៅ​សរីរាង្គ​។

៥. ការពារ​ជំងឺ​ភ្នែក​ឡើង​បាយ

ការ​សិក្សា​​បាន​បង្ហាញ​ថា ​របប​អាហារ​ដែល​សំបូរ​ទៅ​ដោយ​វីតាមីន A អាច​ការពារ​ការ​វិវត្ត​នៃ​ជំងឺ​ភ្នែក​ឡើង​បាយ​ និង​ការ​ចុះ​ខ្សោយ​នៃ​​ភ្នែក​ដែល​ទាក់ទង​នឹង​អាយុ។  វា​ក៏​អាច​ជួយ​រក្សា​កញ្ជក់ខាងក្រៅ​នៃ​កែវភ្នែក​រ ​ឱ្យ​មើលឃើញកាន់ច្បាស់​ដែរ។

សមាសធាតុ​មួយ​ក្នុង​ចំណោម​សមាសធាតុ​សំខាន់ៗ​នៃ Rhodopsin ដែល​ជា​ប្រូតេអ៊ីន​នៅ​ក្នុង​ភ្នែក​​ នឹង​ជួយ​ឱ្យ​អ្នក​មើល​ឃើញ​ក្នុង​ស្ថា​ន​ភាពដែលមាន​ពន្លឺ​ទាប៕

អត្ថបទផ្តល់សិទ្ធិ៖ kampucheathmey

ដោយ៖ សាង ស្រីល័ក្ខ

ព័ត៌មាន​ទាក់ទង​

Loading...