មើលយ៉ាងណាទើបដឹងថា Crush នៅទំនេរ ឬមាន​សង្សារ តែមិនប្រាប់អ្នកឱ្យដឹង?

ចន្ទ, ២២ កុម្ភៈ ២០២១

ជីវិត​នៅ​លីវ​មិន​បាន​អាក្រក់​ណាស់​ណា​ទេ​ សំខាន់​នៅ​លីវ​ដោយ​សប្បាយ​ចិត្ត ​និង​រៀន​ពី​របៀប​ដើម្បី​ឱ្យ​មាន​ផាសុកភាព​នៅ​ក្នុង​ភាព​ឯកោ​មួយ​នេះ។ នៅបស្ចឹមប្រទេស គេសម្គាល់​មនុស្ស​ស្រី​នៅ​លីវ​​ ឬមាន​សង្សារ​​រួចហើយលើចំណុចទាំង​នេះ៖

១. ចម្អិន​អាហារ​ដោយ​ខ្លួនឯង

នាង​បាន​ក្លាយ​ជា​មេ​ចុងភៅ​ល្អ​ម្នាក់​ទាំង​មិន​ដឹង​ខ្លួន ដោយនិយមចម្អិនអាហារញ៉ាំសម្រាប់ខ្លួនឯង មិនអំពល់ទិញក្រៅឡើយ។

រូបភាពតំណាង

២. ក្លាយ​ជានារី​ក្លាហាន​ម្នាក់

នៅ​ពេល​មាន​អ្វី​បែកបាក់​ ឬខូចជុំវិញ​ផ្ទះ​ នាងរៀន​ជួសជុល​វា​ដោយ​ខ្លួនឯង។ កុំព្យូទ័រ​ឈប់​ដំណើរការ នាង​ក៏​អាច​ដោះស្រាយ​បញ្ហា​​នោះ។ នៅ​ពេល​យានជំនិះ​ខូច​ភ្លាមៗ​ នាង​ដើរ​តួ​ជា​ជាង​មេកានិច​ដោយខ្លួនឯង។ មិន​ចាំបាច់​ត្រូវ​ការ​បុរស​ណា​ម្នាក់ ​ដើម្បី​ដោះ​ស្រា​យ​​​ជំនួស​ឡើយ។

៣. សម្លាប់​សត្វល្អិត​ដោយ​ខ្លួនឯង

មាន​សត្វ​ពីងពាង​ក្នុង​បន្ទប់ ​ឬ​មាន​កន្លាត​នៅ​ក្នុង​ផ្ទះ​បាយ? មិន​បាច់​បារម្ភ​ឬ​ភ័យ​ខ្លាច​ដូច​នារី​ដទៃ​ ​ក្នុង​នាម​ជា​មនុស្សស្រីនៅ​លីវ​ម្នាក់​ នាង​គ្រាន់​តែ​ទាញ​ថ្នាំ​សម្លាប់​សត្វល្អិត​បាញ់ក៏ចប់បាត់ទៅហើយ។

​នាងមិន​ខ្ចីទៅ​រក​នរណា​ម្នាក់​ផ្សេង​​ ដើម្បី​បំពេញ​ការងារ​នៅ​ចំពោះ​មុខ​នោះ​ទេ ហើយ​ក៏​គ្មាន​ជម្រើស​អ្វី​ក្រៅ​ពី​ក្លាហាន​​ប្រឈម​មុខនឹង​សត្វ​ល្អិត​ទាំងនោះ​ដែរ។

រូបភាពតំណាង

៤. ដឹក​ទំនិញដោយ​ខ្លួនឯង

នៅ​ពេល​និយាយ​ពី​ការ​លើក​ទម្ងន់​ធ្ងន់ៗ​ នាងបាន​រៀន​ពីវិធីពឹងផ្អែក​លើ​ខ្លួនឯង។ នាង​លែង​ត្រូវការ​អ្នក​ផ្សេង​ដើម្បី​លើក​វត្ថុ​ធ្ងន់ស្រា​ល​​សម្រាប់​​ខ្លួនទៀត​ហើយ។ និយាយរួម​ នាង​រៀន​ចេះ​ធ្វើអ្វី​ដោយ​ខ្លួនឯង ​ដោយ​មិន​ពឹងផ្អែក​លើ​មិត្ត​ប្រុស ឬអ្នកផ្សេងទៀត​ដើម្បី​ដឹក​អីវ៉ាន់​​នោះ​ទេ។

៥. ទិញ​សម្លៀកបំពាក់​តម្រូវ​ចិត្ត​ខ្លួនឯង

កាល​ពី​មុន​ អាច​ថា​ទិញ​សម្លៀកបំពាក់​និង​តុបតែង​ខ្លួន​សម្រាប់​ផ្គាប់​មិត្ត​ប្រុស​ ឬ​អ្នក​ដទៃ។ តែ​បច្ចុប្បន្ន​នាងគ្រាន់​តែ​ទិញ​អ្វី​ដែល​ខ្លួន​ឯង​​ចង់បាន ​និង​មាន​អារម្មណ៍​ល្អ​តែ​ប៉ុណ្ណោះ។

រូបភាពតំណាង

៦. ចេញ​ទៅ​មើល​កុន​តែ​ម្នាក់ឯង

រាល់ពេលមាន​​ភាពយន្ត​ចាក់​បញ្ជាំងនៅ​រោងកុន​ថ្មីៗដែល​​ចង់​មើល​ នាងលែង​ស្វែងរក​កាល​បរិច្ឆេទ​និង​ណាត់​អ្នកណា​មក​មើល​រួម​គ្នា​​ទៀត​​ទេ។ គ្រាន់តែ​គេ​បង្ហាញ​ម៉ោងចាក់ផ្សាយ នាងក៏​ចិត្ត​ក្ដៅចិត្ត​ទៅ​មើល​តែឯង ​មិន​ចាំ​បាច់​បបួល​ដៃគូ​ដូច​មុន​។

៧. ចាត់ទុក​ខ្លួនឯង​ជា​អំណោយ

នៅ​ពេល​និយាយ​ពី​អំណោយ ​នាង​លែង​​ជា​នារី​ទន់ខ្សោយ​ពឹងផ្អែក​លើ​អ្នកដទៃ​ដើម្បី​ទិញ​អំណោយ​ទៀត​ហើយ។ ឧទាហរណ៍​ពី​ថ្ងៃ​កំ​ណើត​​ដែល​ជិត​​មកដល់ ​នាងក៏​មិន​រំពឹង​ថា​នឹង​មាន​អំណោយ​ពី​អ្នក​ផ្សេង​ តែ​នាងចេញ​ក្រៅ ​ហើយ​ទិញ​អ្វី​ដែល​ខ្លួនឯង​ចង់​បាន៕

អត្ថបទផ្តល់សិទ្ធិ៖ kampucheathmey

ដោយ៖ សាង ស្រីល័ក្ខ

ព័ត៌មាន​ទាក់ទង​

Loading...