ទីបំផុត ​វិវាទរវាង ​សេង ​រដ្ឋា ​ជាមួយ​ក្រុមហ៊ុន ​Miss ​Grand ​Cambodia ​ត្រូវបាន​បញ្ចប់​ដោយ​បែបនេះ​

ព្រហស្បតិ៍, ២៨ មករា ២០២១

មុននេះបន្តិច ក្រុមហ៊ុន Miss Grand Cambodia បានបង្ហោះសារលើបណ្ដាញសង្គម ដោយបានបង្ហាញ​ពីកិច្ច​ព្រមព្រៀង​បញ្ចប់​វិ​វាទ​រវាងភាគី ក្រុមហ៊ុន ជាមួយនឹង កញ្ញា សេង រដ្ឋា

ក្នុងនោះ ក្រុមហ៊ុនក៏បានបង្ហោះសារយ៉ាងដូច្នេះថា «បន្ទាប់ពីបានជួបពិភាក្សាគ្នារវាងមេធាវីភាគីខាងក្រុមហ៊ុន និងមេធាវី​ភា​គី​ខា​ង​​​កញ្ញា សេង រដ្ឋា ដូចនេះគូភាគីទាំងពីរ​ក៏បានសម្រេចធ្វើទៅតាម​កិច្ចព្រមព្រៀងបញ្ចប់វិវាទតាមផ្លូវច្បាប់ដែល​បានកំណ​ត់​ដូច​​ខា​ង​ក្រោម សូមបណ្តាអ្នកគាំទ្រទាំងអស់មេត្តាពិនិត្យមើលកិច្ចព្រមព្រៀងចុងក្រោយ និងកុងត្រាដែលភាគីខាងក្រុមហ៊ុន​បាន​ធ្វើរួមគ្នាជាមួយ ភាគីខាងកញ្ញា សេង រដ្ឋា»

ជាមួយគ្នានោះ យោងតាមលិខិតកិច្ចព្រមព្រៀងនេះ ក៏បានបញ្ជាក់ផងដែរថា ភាគីខាង កញ្ញា សេង រដ្ឋា ព្រមឲ្យភាគីខាងក្រុម​ហ៊ុ​ន​ដ​ក​ហូតដំណែងជា Miss Grand Cambodia 2020 ចាប់ពីថ្ងៃចុះកិច្ចព្រមព្រៀងនេះតទៅ។

តាមលិខិតព្រមព្រៀងនេះដដែរ ក៏បានបញ្ជាក់ថា កញ្ញា សេង រដ្ឋា យល់ព្រមមិនទទួលយកប្រាក់រង្វាន់ និងកម្រៃ ព្រមទាំង​យល់​ព្រ​ម​​ប្រគល់​ម្កុដ ឈៀង និងពានជ័យលាភី ជូនទៅភាគីខាងផលិតកម្ម មហាហង្ស វិញ នៅថ្ងៃចុះកិច្ចព្រមព្រៀងនេះផងដែរ៕

ដោយ៖ ស្រីហាង

ព័ត៌មាន​ទាក់ទង​

Loading...