ម៉ារីម៉ា ​ដឹង​កំហុស ​និង​បាន​កែ​សម្រួល​មក​វិញ ​ក្រោយ​ពី​ផុស​រូប​មុខ​អង្គរ​វត្ត​កម្ពុជា ​តែ​សរសេរ​ថា​នៅ​ថៃ​

ព្រហស្បតិ៍, ២០ សីហា ២០២០

តារាសម្ដែងដ៏ល្បីប្រចាំប្រទេសហ្វីលីពីន អ្នកនាង Marian Rivera បានសម្រេចកែសម្រួលការសរសេរ​ពាក្យពេចន៍នៅ​លើ​រូបភាព​ដែល​បាន​បង្ហោះ​ឡើងវិញ បន្ទាប់ពីមានការរិះគន់ និងមិនពេញចិត្តពីអ្នកគាំទ្រនៅកម្ពុជា ក៏ដូចជាប្រជាជនកម្ពុជាតែម្ដង។

ការអាក់អន់ចិត្តរបស់ប្រជាជនកម្ពុជា បានកើតឡើងបន្ទាប់ពីនៅលើទំព័រហ្វេសប៊ុកផេកឈ្មោះ Marian Rivera ដែលគេ​ដឹងថា​ជាផេក​ផ្លូវការរបស់តារាស្រីរូបនេះ បានបង្ហោះរូបភាព​មួយ​សន្លឹកថតនៅមុខអង្គរវត្ត ក្នុងប្រទេសកម្ពុជា ជាមួយស្វាមីរបស់អ្នកនាង តែស្រាប់តែនៅលើរូបនោះបែរជាសរសេរថា When in Thailand ទៅវិញ។

ក្រោយពីមានការបញ្ចេញមតិមិនពេញចិត្តជាច្រើនពីសំណាក់បងប្អូននៅកម្ពុជា មិនយូរប៉ុន្មានគេក៏ស្រាប់តែបានឃើញតារា​ស្រីរូប​នេះ បានកែសម្រួលការសរសេរនៅលើផុសនោះជាថ្មីឡើងវិញ ដោយប្តូរមកថា Cambodia និងមានរូបបេះដូង ៣ ផងដែរ ធ្វើឱ្យ​បងប្អូន​ខ្មែរមានការធូរចិត្តមកវិញ៕

ដោយ៖ សូរ្យកាន្ត

ព័ត៌មាន​ទាក់ទង​

Loading...