ផ្ទុះ​ការរិះ​គន់ ​Miss ​Grand ​Mexico ថត​ស្លៀកឈុត​ហែល​ទឹកក្បែរ​ព្រះពុទ្ធរូប ​ពេលនេះ​បានធ្វើ​ការ​សុំទោស និ​ង​លុបរូប​ចោល​ហើយ​

អង្គារ, ២៣ កុម្ភៈ ២០២១

កាលពីម្សិលមិញនេះ រូបភាពរបស់បវរកញ្ញា Angela Yuriar ដែលជា Miss Grand Mexico ឆ្នាំ 2020 បង្ហោះរូបភាពក្នុង​ឈុតហែ​ល​ទឹកក្បែរ​ព្រះ​ពុទ្ធរូប មុនពេលចូលរួមប្រកួតប្រជែងនៅប្រទេសថៃ ឃើញថាមានផ្ទុះ​ការរិះគន់យ៉ាងចាស់ដៃពីសំ​ណាក់អ្នកនិ​យម​លេ​ង​អ៊ីន​​ធឺណេត។

បន្ទាប់ពីមានការមិនពេញចិត្តយ៉ាងច្រើនទាក់ទងនឹងរូបភាពក្នុងឈុតហែលទឹករបស់បវរកញ្ញា Angela Yuriar ក្នុងនោះដែរ ប្រធាន​ចាត់​ទូទៅ និងជាស្ថាបនិកនៃ Miss Grand International ឆ្នាំ 2020 បានចេញជាសារពន្យល់បកស្រាយនៅលើបណ្ដាញសង្គមថា «ក្នុងអំឡុងពេលថតបង្ហាញឈុតខ្លីរបស់បវរកញ្ញា ដែលបង្ហាញមុខក្នុងការចូលរួមប្រកួត។ យើងរីករាយដែលបានឃើញ​ចម្លាក់រូ​ប​ព្រះ​ពុទ្ធ​ជា​និមិត្តរូបនៃប្រទេសថៃ និងអាស៊ី។ ដូច្នេះយើងបានថតរូបចុះផ្សាយ ប៉ុន្តែនិយាយដោយស្មោះ គាត់ពិតជាមិន​បានដឹង​អំ​ពី​វប្ប​​ធ​ម៌​នោះ​ទេ»។

ក្នុងនោះពួកគេ ក៏បានទទួលស្គាល់ថានេះជាការមិនសមរម្យ និងបង្ហាញពីអារម្មណ៍សោកស្តាយ ព្រមទាំងសុំទោសចំពោះ​កំហុ​ស​ខុ​ស​​ឆ្គង​និងសុំការអភ័យទោស ដោយខ្វះការ​ពិចារ​ណាទាក់ទងនឹងអត្ថន័យ និងនិមិត្តសញ្ញាឱ្យល្អ និងចាត់ទុកជាមេរៀន។ ពេល​ដែ​ល​​​អ្នក​ទាំងអស់បានឃើញ ភ្លាមៗរូបភាព​នោះ​​ត្រូវបានលុបចោល។ ហើយអ្វីៗទាំងអស់ត្រូវបានលុបចោល ហើយក៏ត្រូវបិទគណនី IG របស់បវរកញ្ញា Angela Yuriar រក្សា​ជា​ភា​ព​ឯកជនផងដែរ៕

ដោយ៖ Minzy

ព័ត៌មាន​ទាក់ទង​

Loading...