បុរសម្នាក់ប្រកាសរត់បន្តពីសាយ ដើម្បីស្វែងរកថវិកា​ឧបត្ថម្ភដល់​មន្ទីរពេទ្យគន្ធបុប្ផា រាជធានីភំ្នពេញ

អង្គារ, ២៤ ​វិច្ឆិកា ២០២០

កាលពីព្រឹកមិញនេះ យោងទៅតាមគណនីហ្វេសប៊ុកផ្លូវការមួយឈ្មោះ Cam Steven បានធ្វើការប្រកាស ជាផ្លូវការនឹង​ចូល​រួម​រត់​បន្តពី ​សាយ។ ដែលយុទ្ធនាការនេះ (រត់ជាមួយសាយ) សាយ បានធ្វើការរត់អស់រយៈពេល៤៣ថ្ងៃមកហើយ គិតត្រឹមក្នុង​ថ្ងៃ​នេះ​ផ្ទាល់ ​ហើយថវិកាដែលប្រមូលបាននិងត្រូវបរិច្ចាគជូន ទៅមន្ទីរពេទ្យកុមារអង្គរ។

ដោយឡែក លោក Cam Steven បានបញ្ចាក់យ៉ាងច្បាស់ថា ខ្លួននិងចូលរួមរត់បន្តពី សាយ ដោយរូប លោក​សូម​ប្រ​កាស​រត់​ទៅ​ខាង​ប៉ែកឦសាន្ដប្រទេស ដោយនិងត្រូវចាប់ផ្ដើមរត់ចេញពីភ្នំពេញ ឆ្ពោះទៅ កាន់ខេត្ត កំពង់ចាម, ត្បូងឃ្មុំ, ក្រចេះ, ស្ទឹងត្រែង, រ​ត​នគិរី,មណ្ឌលគិរី, ព្រៃវែង និងស្វាយរៀងហើយបញ្ចប់នៅភ្នំពេញ។ ហើយម្ចាស់គណនីហ្វេសប៊ុក​រូបនេះ​ក៏​បា​ន​បន្ថែម​ទៀ​ត​ថា ​លោករត់បន្តពី សាយ នេះគឺ ដើម្បីស្វែងរកថវិកាឧបត្ថម្ភជូនដល់មន្ទីរពេទ្យគន្ធបុប្ផារាជនីធានីភ្នំពេញ។

ក្នុងនោះដែរ ក៏មានមហាជនជាច្រើនបានចូលរួមស៊ែរតៗគ្នា និងគាំទ្ររូបលោកក្នុងការបន្តដំណើររត់បន្តពី សាយ ដើម្បីជួយ ដ​ល់​​ស​ង្គម​​ជាតិ​ទាំងមូល៕

ដោយ៖ ស្រីពេជ្រ

ព័ត៌មាន​ទាក់ទង​

Loading...